သာသနာကိုယုံကြည်ကိုးကွယ်ရခြင်းရဲ့
အကျိုးတဲ့။
ဒီအကြောင်းကခဏခဏရေးဖူး,ပြောဖူးပါတယ်။
ဩကာသပဏာမကြီးမှာပါတဲ့-
"ကန်တော့ရတဲ့အကျိုးအားကြောင့်"စတဲ့
စကားအတိုင်းပါပဲ။
၁+အပါယ်လေးပါး,ကပ်သုံးပါးစတဲ့
မကောင်းကျိုးဟူသမျှကင်းလွတ်ခြင်း။
၂+မဂ်ဖ်ိုလ်နိဗ္ဗာန်ရရောက်ခြင်းပါ။
ဒီအကျိုး ၂-မျိုးက
ယုံကြည်,ကိုးကွယ်,ကန်တော့ရခြင်းရဲ့
အကျိုးဆိုလဲဟုတ်တယ်။
ယုံကြည်ကိုးကွယ်သူတို့ရဲ့ရည်မှန်းချက်လဲ
ဟုတ်တယ်။
သာသနာ့အမွေဆိုလဲဟုတ်ပါတယ်။
(သာသနာ့အမှဆေိုတာလဲ
သာသနာကိုကိုးကွယ်ဆည်းကပ်ရခြင်းရဲ့
ကောင်းကျိုးအနှစ်ကိုဆိုလိုတာပါပဲ။)
ဒီအကျိုး ၂-မျိုးမှာ
၁+အပါယ်လေးပါးနဲ့ဆင်းရဲဒုက္ခကင်းလွတ်ခြင်းအကျိုးက-
သရဏဂုဏ်မြဲနေရင်ရတယ်၊
ဒီအကျိုးကို'သရဏဂုဏ်'က
တာဝန်ယူတယ်။
(အတိတ်ကံရဲ့အမွေလို့ပဲဆိုရမှာပေါ့)
၂+'မဂ်ဖိုလ်နိဗ္ဗာန်'ဆိုတဲ့'သံသရာလွတ်ကျိုး'ကတော့-
ဘုရားရှင်တို့က လမ်းညွှန်ပြရုံပဲ။
သတိပဋ္ဌာန်ကို'ဝိပဿနာဉာဏ်'ပေါက်အောင်
ကိုယ်တိုင်အားထုတ်မှရမှာဖြစ်တယ်။
(ဒါကပစ္စုပ္ပန်မှာကိုယ်လုပ်ရမည့်တာဝန်)
ဒါကြောင့် ဒီနေ့အလှူဒကာဒကာမတွေဟာ
ဒီကုသိုလ်ကြောင့်-
"အပါယ်လေးပါးကင်းလွတ်ခြင်း"ဆိုတဲ့
သာသနာ့အခြေခံအမွေကိုမုချရပြီလို့
ဆင်ခြင်ဝမ်းမြောက်နေရမယ်။
'အပါယ်လေးပါးလွတ်ခြင်း'ကို
'သာသနာ့အခြေခံအမွေ'လို့ဆိုရတာကတော့-
အပါယ်လေးပါးလွတ်တဲ့အတွက်
'အဟိတ်'ဆိုတဲ့'ဉာဏ်တုံးသတတဝါ'အဆင့်ကလွတ်ပြီး
'မဂ်ဖိုလ်နဲ့ထိုက်တန်တဲ့ ဉာဏ်မျိုးစေ့'ပါတဲ့
'တိဟိတ်ပုဂ္ဂိုလ်'ဖြစ်နိုင်ကြလို့ပါ။
ခုလို'ဉာဏ်မျိုးစေ့'ပါတဲ့'သုဂတိလူ့ဘုံသား'
ဖြစ်ကြခိုက်မှာ
၁+သာသနာတွင်းကာလ၊
၂+သာသနာထွန်းကားရာဒေသ၊
၃+သာသနာဝန်ထမ်းရှင်ရဟန်းဆိုတဲ့ပုဂ္ဂီုလ်၊
'ဘုန်းကံရဲ့အမှတ်လက္ခဏာ'ဖြစ်တဲ့
ကောင်းခြင်းသုံးဖြာတို့လဲစုံခိုက်ဖြစ်လို့
'မဂ်ဖိုလ်နိဗ္ဗာန်'ဆိုတဲ့'အမြင့်ဆုံးသာသနအမွေ'ထိ
ခံယူရရှိအောင် ကြိုးစားနိုင်ကြပါစေ...
(ဒီနေ့ကျည်တောင်ကန်မှာဟောခဲ့တဲ့
သာသနာ့အမွေခံကုသိုလ်အနုမောဒနာတရား)
