တရားပလ္လင်ထက်က စကားအလင်္ကာများ နောက်ဆုံးအပိုင်း (၇၃-၇၄-၇၅)

ပါမောက္ခချုပ်ဆရာတော်

တရားပလ္လင်ထက်က စကားအလင်္ကာများ နောက်ဆုံးအပိုင်း (၇၃-၇၄-၇၅)
တရားပလ္လင်ထက်က စကားအလင်္ကာများ နောက်ဆုံးအပိုင်း (၇၃-၇၄-၇၅)
? ? ??? ??? ? ??? ? ?
၇၃။ စံထားရမည့်ကိုယ်ကျင့်တရား ရှိသူများ
*****************************************
ကိုယ်ကျင့်တရားဆိုတာ
ကိုယ်တိုင် လိုက်နာကျင့်သုံးရမယ့်
တရားဖြစ်တယ်၊
လူ့လောကမှာ လူတွေလိုက်နာရမယ့်
ကျင့်ဝတ်ဆိုတာ ရှိတယ်၊
ကျင့်ဝတ်မလိုက်နာဘဲ
စည်းကမ်းကလနားတွေ
ဖေါက်ပြန်နေမယ်ဆိုရင်
ဖေါက်ပြန်တဲ့မိသားစုဟာ
စိတ်ချမ်းသာမှု မရတဲ့အပြင်
ဒေါသတွေ အာဃာတတွေ ဖြစ်လာမယ်။
အကယ်၍ ကိုယ်ကျင့်ရမယ့်ကျင့်ဝတ်
လုံလုံလောက်လောက်နဲ့ ပြည့်စုံပြီဆိုရင်
အဲဒီပြည့်စုံတဲ့နိုင်ငံ ပြည့်စုံတဲ့မြို့
ပြည့်စုံတဲ့မိသားစုဟာ ချမ်းသာနေမှာပဲ၊
ကျင့်ဝတ် မပြည့်စုံဘူးဆိုရင်
လူ့ရဲ့အသိုင်းအဝိုင်း
လူ့ရဲ့ အဖွဲ့အစည်းကြီးဟာ ဘယ်တော့မှ
ငြိမ်းချမ်းနိုင်မှာ မဟုတ်ပါဘူး။
ဒေါက်တာအရှင်နန္ဒမာလာဘိဝံသ
သက်ရှည်ကျမ်းမာ စိတ်ချမ်းသာ
လိုရာဆန္ဒပြည့်ပါစေ။
? ? ?
၇၄။ ဓမ္မသံဝေဂနှင့် ဘဝဆည်းဆာ
****************************************
ရှင်အာနန္ဒာက ဘုရားကို လျှောက်တယ်၊
“အရှင်ဘုရား၊ အံ့ဩဖွယ်ရာ
အရှင်ဘုရားကိုယ်လေးက
ရှေ့နည်းနည်း ကိုင်းလာပြီ၊
အရေလေးတွေ တွန့်လာပြီ” ဆိုတော့
“အာနန္ဒာ အခုလိုပဲတဲ့၊
ဇရာတရားက နုပျိုမှုတွေကို
လုယက်သွားတယ်၊
ဗျာဓိတရားက ကျန်းမာမှုတွေကို
လုယက်သွားတယ်၊
နောက်ဆုံးကျတော့
မရဏတရားက အသက်ကို
လုယက်ပြီး သွားလိမ့်မယ်” ဆိုပြီး
မြတ်စွာဘုရားက ဥဒါန်းကျူးတယ်။
ဘယ်လောက်ပဲ
ရာထူးအာဏာကြီးတဲ့ပုဂ္ဂိုလ်ဖြစ်စေ၊
ဘယ်လောက်ပဲ စည်းစိမ်ဥစ္စာ
ချမ်းသာတဲ့ပုဂ္ဂိုလ်ပဲဖြစ်စေ
အားလုံးကို ဇရာ, ဗျာဓိ, မရဏဆိုတဲ့
ဒီတရားတွေဟာ လွှမ်းမိုးပြီးတော့
ဖျက်ဆီးသွားတယ်၊
ဒါတွေကို ဆင်ခြင်သုံးသပ်ကြည့်ဖို့
မြတ်စွာဘုရားက
ဟောကြားထားတာ ဖြစ်ပါတယ်။
ဒေါက်တာအရှင်နန္ဒမာလာဘိဝံသ
သက်ရှည်ကျမ်းမာ စိတ်ချမ်းသာ
လိုရာဆန္ဒပြည့်ပါစေ။
? ? ?
၇၅။ ယမမင်းကြီးရဲ့ ဆန္ဒ
****************************************
ကံတရားတွေဆိုတာ
အလွန်စွမ်းအား ရှိတယ်၊
ကံမကောင်း အကြောင်းမလှလို့
ငရဲကျသွားပေမယ်လို့ ကုသိုလ်ကံရှိရင်
အဲဒီကုသိုလ်ကံက
ပြန်ကယ်သွားနိုင်တယ်၊
ဘာဖြစ်လို့တုန်းဆိုရင် ငရဲအသက်နဲ့
လူ့အသက်က မတူဘူး၊
ငရဲရဲ့ အသက်ဟာ ကံပဲ၊
ကံရှိသမျှ ဘယ်တော့မှ မသေဘူး၊
သူက ကံပေါ်မှာ မူတည်တယ်၊
လူ့ရဲ့အသက်က ကံပေါ်မှာမူမတည်ဘူး၊
‘အသက် ဉာဏ်စောင့်”လို့
ပြောကြတယ် မဟုတ်လား။
ငရဲမှာခံနေရတဲ့
ငရဲသားတွေကိုကြည့်ပြီး
ယမမင်းကြီးက ခုလိုဆန္ဒဖြစ်တယ်တဲ့၊
လူ့ဘဝရလိုက်ရင်
ဘယ်လောက်ကောင်းမလဲ၊
ဒီဒုက္ခတွေ သူကမြင်နေတော့
သနားတယ်၊
လူ့ဘဝရမှ ဒီဒုက္ခတွေက
လွတ်နိုင်မှာကိုး၊
လူ့ဘဝရတဲ့အချိန်မှာ
ဘုရားများပွင့်လာရင်
ဘယ်လောက်ကောင်းလိုက်မလဲ၊
ဘုရားကို ဆည်းကပ်ကိုးကွယ်ခွင့်ရရင်
ဘယ်လောက်ကောင်းမလဲ၊
အဲဒီဘုရားက ငါ့ကို တရားဟောရင်
ဘယ်လောက်ကောင်းမလဲ၊
ဘုရားဟောတဲ့တရားကို
သိရှိနားလည်ရရင်
ဘယ်လောက်ကောင်းမလဲဆိုတဲ့
ဒီဆန္ဒကို ထုတ်ဖေါ်ပြောကြားခဲ့ပါတယ်။
 
ဒေါက်တာအရှင်နန္ဒမာလာဘိဝံသ
သက်ရှည်ကျမ်းမာ စိတ်ချမ်းသာ
လိုရာဆန္ဒပြည့်ပါစေ။
Credit -
{တရားပလ္လင်ထက်က စကားအလင်္ကာများ}
ဓ မ္မ သ ဟာ ယ တ ပည့် တစ် ပါး
စီ စဉ် ပူ ဇော် သည်။
??????????????
ပြန်လည်မျှဝေပေးခြင်းဖြင့် ကုသိုလ်ပြုနိုင်ပါသည်။ ဓမ္မအသိဖြင့် အကျိုးရှိရှိနေပါမည်။
ကိုပြုံး (ခ) ကိုအောင်လင်း
ပါမောက္ခချုပ်ဆရာတော်
04-23-2023