တရားပလ္လင်ထက်က စကားအလင်္ကာများ (၆၃-၆၄-၆၅)
၆၃။ ယောဂီပုဂ္ဂိုလ်ရှိရမည့် အရည်အချင်းများ
******************************************
ယောဂအလုပ်ကို စွဲမြဲစွာ
ကြိုးစားအားထုတ်မှု ရှိသူကို
‘ယောဂီ’လို့ ခေါ်တယ်၊
ကြိုးပမ်းအားထုတ်မှုရှိမှ
ယောဂီလို့ ခေါ်နိုင်တာ၊
အပျင်းပြေလုပ်နေတာကို
ယောဂီလို့ မခေါ်နိုင်ဘူး။
ပဓာနိယင်္ဂသုတ်အရ
ယောဂီပုဂ္ဂိုလ်ရှိရမည့်
အရည်အချင်း ငါးမျိုးရှိတယ်။
၂။ ရောဂါကင်းပြီး ကျန်းမာရမယ်။
၃။ ရိုးသားဖြောင့်မတ်ရမယ်။
၄။ ကြိုးစားအားထုတ်မှု ရှိရမယ်။
၅။ အခြေခံအသိပညာ ခိုင်လုံမှု ရှိရမယ်။
ဒီငါးမျိုးရှိပြီး ...
ဆရာကောင်းနဲ့တွေ့တယ်ဆိုရင်
ခုနစ်ရက်အတွင်း တရားထူးရပါတယ်တဲ့၊
ဒီအရည်အချင်းတွေနဲ့သာ ပြည့်စုံရင်
မနက် နည်းပေးလို့ အားထုတ်ရင်
ညနေမှာ ရဟန္တာဖြစ်ပါတယ်တဲ့၊
ဒီလိုဟောထားတာ ရှိပါတယ်။
ဒေါက်တာအရှင်နန္ဒမာလာဘိဝံသ
သက်ရှည်ကျမ်းမာ စိတ်ချမ်းသာ
လိုရာဆန္ဒပြည့်ပါစေ။
၆၄။ မေတ္တသုတ် အနှစ်ချုပ်
***************************************
မေတ္တသုတ်ကို နေ့စဉ်ရွတ်လို့ရှိရင်
အန္တရာယ်တွေကင်းတယ်လို့
ဒီမေတ္တသုတ်ထဲမှာ
ပြဆိုထားတဲ့စကား တစ်လုံးမှမပါဘူး၊
သို့သော် အများက
ဒီအတိုင်းပဲ ယုံကြည်နေကြတယ်၊
မိုးကုတ်ဆရာတော်ကြီးပြောတဲ့
စကားလုံးနဲ့ ပြောရမယ်ဆိုရင်
“တို့လူတွေက သောက်ဆေးကို
လိမ်းဆေးလုပ်နေကြတယ်” တဲ့၊
သောက်ရမှာကို မသောက်ဘဲနဲ့
လိမ်းဆေးအဖြစ် အသုံးပြုနေလို့ရှိရင်
အကျိုးသက်ရောက်မှု အားနည်းမယ်၊
သောက်ရမယ့်ဆေးက
သောက်ကိုသောက်မှ
အကျိုးသက်ရောက်မှာ၊
ဒါကြောင့် မေတ္တာဆိုတာ
ဘာဝနာတရားဖြစ်လို့
ပွါးများကြရမယ်။
မတ်ေတာဆိုတဲ့တရားက
ရွတ်ဖတ်ရမယ့်တရား မဟုတ်ဘူး၊
ပွါးများရမယ့်တရား ဖြစ်တယ်၊
မေတ္တာဟာ ကမ္မဋ္ဌာန်းပဲ၊
များသောအားဖြင့်
ဝိပဿနာတရားအားထုတ်တာမှ
ကမ္မဋ္ဌာန်းလို့ ယူဆနေကြတယ်၊
မေတ္တာပို့နေတာ
ပွါးများတာဟာလည်း ကမ္မဋ္ဌာန်းပါပဲ၊
သမထကမ္မဋ္ဌာန်းထဲမှာ ပါတယ်၊
ဒါကြောင့် ...
မေတ္တသုတ်နဲ့ ပတ်သက်လာလို့ရှိရင်
ရွတ်ရမှာ သက်သက်မဟုတ်ဘူး၊
နာရမှာ သက်သက် မဟုတ်ဘူး၊
ပွါးများကြရမှာ ဖြစ်ပါတယ်။
ဒေါက်တာအရှင်နန္ဒမာလာဘိဝံသ
သက်ရှည်ကျမ်းမာ စိတ်ချမ်းသာ
လိုရာဆန္ဒပြည့်ပါစေ။
၆၅။ နှစ်ဦးကာလ ဓမ္မလက်ဆောင်
****************************************
ဗုဒ္ဓမြတ်စွာရဲ့တရားဓမ္မတွေဟာ
အကြောင်းနဲ့ အကျိုးကို
ဟောတာဖြစ်လို့ လူ့လောကမှာ
ကောင်းကျိုးချမ်းသာရဖို့
မျှော်လင့်ကြတယ်၊
စီပွားဥစ္စာတိုးတက်ချင်တယ်ဆိုတဲ့
မျှော်လင့်ချက်၊ ကျန်းမာပြီးတော့
အသက်ရှည်ချင်တယ်ဆိုတဲ့
မျှော်လင့်ချက်၊ ဒီဘဝကုန်လို့
နောက်ဘဝရောက်တဲ့အခါမှာလည်း
ကောင်းရာသုဂတိကို ရချင်တယ်ဆိုတဲ့
မျှော်လင့်ချက်၊ ဒီလေးမျိုးသည်
“အတ္တသမ္မာပဏိဓိ” လို့ ခေါ်တဲ့
သဒ္ဓါတရားနဲ့ ပြည့်စုံမှု၊
ကိုယ်ကျင့်တရားနဲ့ ပြည့်စုံမှု၊
စာဂတရားနဲ့ ပြည့်စုံမှု၊
အသိဉာဏ်ပညာနဲ့ ပြည့်စုံမှု ဆိုတဲ့
ဒီအကြောင်းလေးမျိုး ကင်းနေရင်
ခုနက မျှော်လင့်ချက်တွေ
မအောင်မြင်နိုင်ပါဘူး။
နှစ်သစ်အခါသမယမှာ
နှစ်ဟောင်းကထက်
ပိုပြီးတော့ ကောင်းလာစေချင်ရင်
သဒ္ဓါတရားတွေ ကောင်းလာအောင်
ကိုယ်ကျင့်တရားတွေ
ပိုပြီးလုံခြုံလာအောင်
စွန့်လွှတ်မှုတွေ
ပိုပြီးခိုင်မာလာအောင်
အသိဉာဏ်တွေ
ပိုပြီးကြွယ်ဝလာအောင်
လုပ်ဖို့ လိုပါတယ်၊
ဒီအကြောင်းတရားတွေ
ပြည့်စုံမှသာလျှင်
မိမိတို့ရဲ့ မျှော်လင့်ချက်နဲ့
ချမ်းသာသုခတွေ၊
မင်္ဂလာအပေါင်းနဲ့
ပြည့်စုံပါစေဆိုတဲ့ ဆုတောင်းတွေ
တောင်းဆိုမှုတွေဟာ
တစ်လုံးတစ်ဝကြီး ပြည့်စုံလာမှာပါ။
ဒေါက်တာအရှင်နန္ဒမာလာဘိဝံသ
သက်ရှည်ကျမ်းမာ စိတ်ချမ်းသာ
လိုရာဆန္ဒပြည့်ပါစေ။
Credit -
{တရားပလ္လင်ထက်က စကားအလင်္ကာများ}
ဓ မ္မ သ ဟာ ယ တ ပည့် တစ် ပါး
စီ စဉ် ပူ ဇော် သည်။
ပြန်လည်မျှဝေပေးခြင်းဖြင့် ကုသိုလ်ပြုနိုင်ပါသည်။ ဓမ္မအသိဖြင့် အကျိုးရှိရှိနေပါမည်။
ကိုပြုံး (ခ) ကိုအောင်လင်း
