အေး..အဓိကက ‘ယဉ်ကျေး’နဲ့’လိမ္မာ’

ကွဲကြဖို့ပဲ။

ယဉ်ကျေး”ဆိုတာ..

‘ရှေးဟောင်းယဉ်ကျေးမှု’ဆိုတဲ့မြန်မာစကားအတိုင်းပဲ-

ရှေးကရှိပြီးသားအစဉ်အလာကောင်းတွေ၊

သတ္တဝါတိုင်းမှာရှိနေပြီးတဲ့ သူတို့နှစ်သက်ခင်မင်စရာတွေကို

ကိုယ်ကြောင့်မပျက်စီး;မချွတ်ယွင်းရအောင်

လိုက်နာတာ၊ထိန်းသိမ်းစောင့်ရှောက်ပေးဟာယဉ်ကျေးတာပဲ။

ဘုရားရှင်အဆုံးအမအရဆိုရင်..

“မကောင်းမှုရှောင်”တာပေါ့။

သိက်ခာအရဆို ‘(ဝါရိတ်တ)သီလသိက်ခာ’ပဲ။

လူတို့စောင့်တဲ့’ငါးပါးသီလ’ကြည့်ပေါ့!

၁+သူ့ရှိပြီးအသက်နဲ့ခန္ဓာ ကိုယ့်ကြောင့်

နစ်နာဆုံးရှုံးပျက်စီးတာမဖြစ်အောင်..

၂+သူ့ရှိပြီးဥစ္စာ ကိုယ့်ကြောင့်မထိခိုက်အောင်..

၃+သူ့မိသားစုအသိုက်အအုံကိုယ့်ကြောင့်မပျက်စီးရအောင..

၄+သူ့အသိ ကိုယ့်ကြောင့်ချွတ်ယွင်းတိမ်းပါးမသွားအောင်နဲ့

၅+ဒီတာဝန်တွေမေ့လျော့စေတဲ့မူးရစ်သေစာတွေ

ရှောင်ရတာပဲမှို့လား။

အဲဒါယဉ်ကျေးမှုပဲ။

ယဉ်ကျေးတယ်ဆိုတာ ရှိပြီးသားအဟောင်းထဲကအကောင်းတွေ

မပျက်စီးအောင်ထိန်းသိမ်းကာကွယ်စောင့်ရှောက်တတ်တာပါပဲ။

ဒီယဉ်ကျေးမှုထဲမှာ

သဘာဝပတ်ဝန်းကျင်သက်ရှိသက်မဲ့အားလုံးပါဝင်တယ်။

ဒါကြောင့် အမှုက်တို့၊အညစ်အကြေးတို့

စွန့်ပစ်တာကစပြီး စည်းကမ်းတကျဖြစ်အောင်သင်ပေးရမယ်၊

ဒါမှ’လူယဉ်ကျေးလေးတွေ’ဖြစ်မှာ။

ဒီကိစ္စက ကလေးတွေထက် လူကြီးတွေ

ပိုအရေးကြီးတယ်။

ဖြစ်နိုင်ရင်”လူကြီးယဉ်ကြေးလိမ္မာ”ပါ

သင်တန်းပေးရမယ်။

လိမ္မာ”ဆိုတာ တိုတိုချုပ်ကတော့-

မရှိသေးတဲ့ လူ့အသုံးအဆောင်တွေ

အသစ်အသစ်တိုးတက်ဖြစ်ပေါ်အောင်

လုပ်ဆောင်တာပဲ။

ဘုရားအဆုံးအမဆိုရင်..

“ကောင်းမှုဆောင်”တာပေါ့။

ဒါလဲ(စာရိတ်တ)သီလသိက္ခာပဲ။

ဒီလိမ္မာအပိုင်းမှာ ခေတ်နဲ့တပြေးညီ

တတ်သင့်တဲ့အတတ်ပညာတွေ၊

ဗဟုသုတ(စာဖတ်ခြင်း)တွေ၊

အများကြီးအကြုံးဝင်တယ်၊

အဲဒါတွေ ငယ်ငယ်ကတည်းက

ကျင့်သားရနေအောင်သင်ကြပေါ့။

(အတိုချုပ်မှတ်ထားရမှာက-

လူယဉ်ကျေးဆိုတာ

ရှိပြီးသားအကောင်းဟူသမျှ

မပျက်စီးအောင်စောင့်ရှောက်ထိန်းသိမ်တတ်သူ။

လူလိမ္မာဆိုတာ

မရှိသေးတဲ့လိုအပ်ချက်တွေကို

ရှိလာအောင်တီထွင်လုပ်ကိုင်ပေးတတ်သူ”ဆိုတာ

ကလေးတွေစိတ်ထဲစွဲထင်နေအောင်သင်ပြဖို့ပဲ။)

စာတွေရရုံ:ရှိခိုးဦးချတတ်ရုံသင်ရမှာ မဟုတ်ဘူး၊

အကျင့်တွေရအောင် သင်ရမှာ၊

ဒါကအရေးအကြီးဆုံးအချက်ပဲ။

စာတွေရ၊ဦးတွေချပြီး မိုက်နေကြတာတွေ

သတိပြုကြပေါ့။

မကောင်းမှုကို’အကြောက်’ကြောင့်ရှောင်နေရတာ၊

ကောင်းမှုကို’အမျှော်’နဲ့လုပ်နေကြတာမဖြစ်စေဘဲ

ကိုယ့်အသိ၊ကိုယ့်အမြင်အရ

ရှောင်သင့်တာရှောင်တတ်ရင် “ယဉ်ကျေး”ပြီ။

ဆောင်သင့်တာဆောင်တတ်ရင်”လိမ္မာ”ပြီ။

အဲဒါတွေသင်ပေးကြ!

ကဲ

တောရော့ပေါ့!

လို့ပဲပြောလိုက်ပါတယ်။

၃.၄.၂၃ ည